Nipi…koupusan
rinoit boros nu wara tosonong
paparati komoyon mupus rumohian
minomugus manarayan sinorou togouk
pinopolosu solot tundu undu
yoku mobpurimon au nokopuriman
guminawo om ginouwoon
ika minogiwang pomusarahan mingut singut
nohurak kikudadu rinasang
nipi… tosingga
nipi ipion soira torongob
ii pihondom hondom pi ihum-ihum
soira mongombilahan
sumilik murolou ikum mato
kosuwot toliga hinonggo
turos tolumis nu
howoro purimono
kahawor ku po ngaran nu
poinghontor ko id tundu-undu
tungkus ginawo au opulas
siou inolim gaab suminganu dika
kisapad kisirung kisangkap ko
pinisolowotan rayou tagayo
yoku rombu maling taling
ika nipi di koupusan
Wonsoi Roselind Juidi
Published Borneo Post 21/11/2008
Subscribe to:
Post Comments (Atom)
No comments:
Post a Comment