.jpg)
SUSUYAN TONIBO
KINIROPON TOKOU
(Nulud di: Roselin Juidi)
Mamai Lani id Kampung Susukon songulun molohing di ki umul 74 toun nosusu di amu po mononjipun okon po ko merdeka. Noduanan/napataiyan no do sawo di koupusan dau sontoun lobi no linaid. Nosukadan no do duo tanak Adustina eh totuo om Ruus ih tomulok tondu ngoduo nasawo no iyolo sompori-pori do mogigion. Tanak dau ngoduo ti amu manang apa nga manang mamai dau. Mamai ti amu orohiyan do mamung do tanak dau asanangan osongulunan.
Katagakai nopo ih mamai do sawo dau iri no tinimpuunon dau do olunggui om araat no koinan inanon do tinan dau.
Otuo no iyau makit sakit no om asaru mago tago ikodon. Tadau-tadau eh tanak dau misowoli moi intong dau om bakadai tokoro(tuck shop) eh mamai ti. Sogira nopo korikot
tanak dau ih Ruus “Olidas oh tinan nu amai” iti no poguhot
toririmo kotindapau dau. “Miagal di toririmo osonong-sonong oku ih dodou lumohing” iti no simbar di mamai. Losokon om olimon toruol sundung do opihoi no do manau panau.
Insan tadau amu nokorikot tanak dau minoi tombului do dongosuab. Ngoduo diolo haro nongoi om nasadapan koongoi poh ruba dau nga sumodop no. Nokotigog yolo tu pointobon oh kantin/walai dau amu insan irad dilo. “Tok… tok……..tok Amai..amai!! hino ko”? kadi Ruus. Aiso bongut simbar dau, soliduko no diolo id iso ruhak hilo.. eh nga pagaadada posidukut id tirikohon dau. Aiso guyu mai nopo dioli posikoho eh totobon om kosuang nogi dii kantin dau, kamao no di Ruus, atukoi sogiton lumasu tinan dau. owito moi rumasakit nga au da nasaga nga sinansagan diolo.
Korikot nopo hilo rumasakit kecemasan, ongosonong tomod ngawi eh dokutur mai salangkayo diolo momorisa om
potimporono no id wad. Suang kotolu tadau oindamaan nodi mamai do sumakit mimbolotok au natatantu amu kotungag.
tinamangan di tanak dau Ruus, pomolohou nodi eh pakar di Ruus,
Palad-palad oi Ruus amu no aanu do momorusap oh mamai nu ti nontok do Pneumonia (radang paru-paru) norumbak kinana tomod oh topos dau kadi pakar. “ Suab toi suabbino om oiduan no ginawo om sumodia konou” kadi Pakar.
Ontok nopo tadau dilo songulun no eh tanak dau Ruus pinoilo
mantad di pakar osomok no do nahadan eh Ruus. Simbar di ih Ruus “Doktor mokitulung oku po dikoyu do popologos dimamai ku hiti rumaskit gisom oiduan iyau ginawo humarap oku nopo do kinorohingan, tu kinorohingan ih poingigit do tumul tokou. Mokinsian oku dika Doktor tahakai oku do timpu tohuri no do tomoning mongimuai do turos dau monginupus di mamai ku gisom onuon do minamangun pinuhobo dau.” andasan om sumakit tomod di Ruus amu awagatan toruol, ko ingkaa di pama kokoyoon di mamai. Awasi ih Doktor tu pinowali di ih mamai id bilik do kawalan rapi. Kosuabai kakal po amu kopuriman mamai, koubasanan tulun di ugama (rc) ugumu dii kinoruhangan moi intong dau om sinambayangan . Sambayangai no eh mamai ontok komotolu tadau haro kiginumu do opod tulun tuminimung hilo rumasakit,
pinabanar di dokutur do sumuang tu oindamaan nodii do sumakit ih mamai. Jam 12 tangadau kalapas do suminambayang kahadai om koiduai do ginawo eh mamai. Nokotigog ngawi ih tulun disuminambayang. Pingapusan podi tanak dau Ruus momosik nga amu kopuriman. Iduo da di dokutur eh oxygen pointokop do pomuhabaan di mamai aiso no do pinuhobo dau “Nokoilo konou do ingkaa kokoyoon dau ti nokoboros ku no dika”, kadi doktor kumaa di Ruus. Pokinsian no ih Ruus “tulungon oku poh doctor kada po iduo ngawi lo songinsokot kakal poh haro gonot pinuhobo dau toninii nung okito hilo dilo hudia” kadi ruus minonuduk di
(Screen tv) waya gonot id suang di gambar id tv pongompus di tokop do kabang di mamai miampai do ronggung di ruus do mihad . (“ No doctor please give him another chance until the oxygen drop to Zero” ). Minumboyo ih dokutur tu hundaton nodi daa ngawi ih soginsokot do tinan om eh (screen Tv) pagantangan do waya do pinuhobo dau. Agayo kounsikaan di Ruus tu tinanud do dokutur ih pinikianu dau.
Aiso no pomusarahan di Ruus do anaru nga mihad-ihad om
minonuhu di kinorunhangan dau do poposodia do tulun kampong ngawi do tuminimung.
“Oi aka kuroyon poh nga, suhuoh no ih sawo nu do moi pomoli do garung topurak, kasut toitom om sorual toitom amu pogorungan dimamai do mugad” kadi Ruus minonunui do tusin pomoli. Posodiaon no ngawi kem hilo kampung kadi Ruus. Om nokosidia bogia.
Amu nopo di tingkod singut tihad di Ruus pointungub di id toning di mamai di amu nodi kopuriman kakal po poimbiliu tinan di mamai id wad rumasakit.
Kama- maha po oh ginawo di Ruus do mihad om iduanai no dau eh mamai minoi pogihum di taka dau. “Kanau aka manau tokou ka diRuus minamagayat di taka dau amu nopo noilaan tongoyon tumanud nopo di takod diolo lumaang” Kokunomo nopo yolo do iso tukad di rumasakit di amu opintoliban do tulun, “ Aka kanou kito goduo sumingkotud pokiampun do douso om pokianu kito do kinorohingan do ponoruon no da dau oh pinuhobo om umul di mamai pokianu kito kopio timpu do managali di mamai tu inanu dau eh ninai(sawo di Mamai) do monigog nokuro maa tu onuon no kagu ih mamai kadi Ruus” Singkotud no yolo ngoduo miampai mihad ihad mimboros nunu nopo ih nolombusan mantad suang ginawo diolo somok do sejaam poingsingkotud amu diolo pinoduli eh tulun sumoroiso tumalib sumonsod do ohoiran.
Kababasai podi iyolo ngoduo om gulio no di Ruus minoi kawagu panagali di mamai id wad gisom do tanga sodop.
Guyu guyuon poh eh mamai amu no momogura nga lumansan po di oxygen pontangob . Minruruhai no di dongosuab kotigog id Ruus do sigog pomogiak eh mamai, “ Ruus nokuro tu momolohou ko doho” kadi Mamai. Simbar no ih Ruus “ Oh okon ko iyoho nga tulun suai bori” kadi Ruus. Iduo di Mamai ih pontongob do kabang dau om irikau no pokiinum do waig om kotigog ih nurse ngawi, tambaai no iyau do raha. Mantad di nokogoris ih mamai tilombusai no di dokutur do mongubat dau. Kakal poh do ogoris asaru boroson di dokutur do nunu tubat dau om kakal kopo poimiyau kio amai, simbar di mamai kotoluadan dokutur tu okon ko dikoyu tumos om minamangun nga om aino oku no baino ka dau mago tago. Kakal poo
mokiurusap id rumasakit gisom do boino om do ogoris po do mintamung do dadagangon dau. Iti no komoyon om kotumbayaan “ KINIROPON OKON ID TONGGOM TOKOU” nga kinorohingan managali.
Nulud sinupu dii: Roselin Juidi
Kg Labak Kinarut Papar Sabah.
Published Borneo Post 23.09.2007 (Susuyan tonibo diti sorita totopot mantad do iso panaganakan di osonong omitanan tokou kalanutan ginawo tomoguang do toiso-iso kobolingkangan gisom do asantaban ginawo).
